మా మోహన చెప్పిన సైకిల్ చెయిన్ సిద్ధాంతం

ముందు ‘మోహన ఎవరు…?’ అనే కదూ మీ ప్రశ్న …?

గిరింపేట చౌక్ లో నిలబడి (2005 వరకూ) గట్టిగా ‘మోహనా…. ‘ అని అరిచారనుకోండి … ఓయ్ అంటూ కురచగా తైలపు మరకలు నిండిన ఖాకి నిక్కరు , తెల్ల బనియను, చేతిలో స్పానరుతో ఉండే ఓ పొట్టి శాల్తీ సమాధానమిస్తాడు. తను (M.K. Mohan) మాతో పాటు ఎనిమిది వరకూ చదివాడు. ముఖ్యంగా తను ఏడవ తరగతిలో రెండు సార్లు ఫెయిల్ అయ్యి మా క్లాస్ మేట్ అయినప్పుడు నాకు బాగా క్లోస్ గా ఉండేవాడు. ఆ సంవత్సరం మాతో పాటు చక్కగా చదువుకుని మంచి మార్కులతో పాస్ అయ్యాడు. కాని ఆర్ధిక పరిస్థితులు బాగోక ఎనిమిదవ తరగతి మధ్యలోనే ఆపేశాడు. తరవాత మేమంతా పుస్తకాలు చదువుకుంటే తను మాత్రం జీవితం చదవటం మొదలెట్టాడు. ఇంటి పరిస్థితులు బాగోక రెండు సైకిళ్ళ (అద్దె ) తో మొదలెట్టిన వ్యాపారం మా చదువు పూర్తయ్యే సరికి ఇళ్ళు కొనే స్థితికి చేరేంత స్థాయికి తీసుకెళ్ళాడు… పనిలో పనిగా ఇద్దరు పిల్లల తండ్రి కూడా అయ్యాడు .

చుట్టపు చూపుగా వూరికి ఎప్పుడెళ్ళినా, తన షాపుకి వెళ్ళే వాడిని. ఓ చిన్న ఐరన్ tripod మీద కూర్చే పెట్టి “రేయ్ .. రెండు పాలు తీసుకు రారా ‘ అని తన అసిస్టెంట్ కి పక్కనే వున్న టీ స్టాల్ కి ,పురమాయించేవాడు. ఎన్నేళ్ళొ చ్చినా తన పిల్లలు కాలేజి వయసుకొచ్చినా తన ఆహార్యం మాత్రం మారలేదు. అదే ఖాకి నిక్కరు … అదే తెల్ల బనీను. ‘నిన్ను ప్యాంటు షర్టులో చూడాలనుంది మోహనా ‘ అని ఆట పట్టిచ్చినా నవ్వి ఊరుకునే వాడు.

చిన్న తనం లోనే ఎన్నో సవాళ్లు ఎదుర్కొన్న తనకి, philosophical outlook తో పాటు ఏదైనా practical గా ఆలోచించే maturity అలవడింది.

సుమారు 20 ఏళ్ళ క్రితం ఓ సారి వూరెళ్ళిన సందర్భం .. ఒక రోజు బాల్య మిత్రులందరం తన షాపులో పిచ్చాపాటి మాట్లాడుతున్నాం .. ఏదో సందర్భం లో “ఏమిటో మోహనా … అన్నీ సవాళ్ళే ఎదురౌతున్నాయి … చూస్తుంటే కాలం కలిసి రావటం లేదనిపిస్తుంది .. ” అని అన్నాను. అప్పటి వరకూ సైకిల్ రిపేరు చేసుకుంటూ మా మాటలు వింటున్న మోహన్ ఒక్క సారి నా వైపు చూసి ఓ నవ్వు నవ్వాడు. ఆయిల్ లో ముంచిన సైకిల్ చైను ని చేతిలో తీసుకుని పక్కన ఓ బల్ల పై పెట్టాడు. ” చూడు రామకృష్ణా … ఈ చెయిను ఇక్కడ పెట్టి ” అరె ఈ చెయిను ఇక్కడే ఉందే ” అని బాధపడితే అది అక్కడే వుంటుందే తప్ప నువ్వు అనుకున్న చోటుకు వెళ్తుందా .. అది వెళ్ళాలంటే నువ్వే తీసి నువ్వు కోరుకున్న చోటులో పెట్టాలి . మన జీవితమూ అంతే… time బాగోలేదని విచారిస్తే సమస్య తీరదు నువ్వే పరిష్కారం ఆలోచించాలి” అని చెప్పాడు. అందరూ వంట పట్టించుకున్నారో లేదో నాకు తెలియదు కానీ నాకా క్షణం లో అర్జునుడికి గీత బోధించిన కృష్ణ భగవానుడూ , art of living ప్రవచిస్తున్న రవి శంకరూ ఒకే సారి కనపడ్డారు మా మోహనా లో . తన సైకిల్ పరిభాషలో చెప్పినా జీవన సారాన్ని ఓ చిన్న డెమోతో ఎంత బాగా చెప్పాడు అనుకున్నా.

తరవాత ఎన్నో సందర్భాలలో తన సైకిల్ చెయిన్ సిద్ధాంతం గుర్తొచ్చేది. ఎప్పుడు వూరెళ్ళినా తనని కలిసి రాకుండా వుండే వాడిని కాదు. ఓ పదేళ్ళ క్రితం వెళ్ళినపుడు ‘తను లేడు మరలి రాడు’ అని తెలిసినప్పుడు గుండెలో ఏదో మెలిక పడ్డ ఫీలింగ్.

ఇప్పటికీ గిరింపేట చౌక్ కి వెళ్తే అప్రయత్నంగా ఆ షాపు వైపు కళ్ళు మరలుతాయి .. అక్కడ ఖాకీ నిక్కరు , తెల్ల బనీను తో వుండే వుండే ఓ శాల్తీ ” రా రామకృష్ణా ..” అని చూస్తుంటాడు. Some people simply refuse to leave your memory bylanes.

Advertisements
This entry was posted in నాటి స్మృతి సౌరభాలు. Bookmark the permalink.

7 Responses to మా మోహన చెప్పిన సైకిల్ చెయిన్ సిద్ధాంతం

  1. Naresh Kumar says:

    Mee snehithudu cheppina jeevitha satyam chala bagundandi.

  2. Zilebi says:

    గిరింపేట కతల్ వెతల్ వారు,

    Really marvelous and touching the heart !

    Keep the right spirit on going !

    cheers
    zilebi

  3. vasanthwriter says:

    Hello andi,

    Mana chuttu unna varinundi ento nerchukovachu and mukhyam ga jeevitam nerchukovachu ani andarki ardamayye la simple ga chepparu.

    But blog start lo 2005 daka ani brackets lo undi, adi chadivina tarvata nundi ending daka ayanaku emi ayyuntunda anna badha to ne chadivanu.

    Very touching.

    • mhsgreamspet says:

      Thank you vasanth… U have been a wonderful reader of our blog… Everytime I go to my hometown… his memories engulf me..Life has all hues… pain is one of them…

  4. vijayakumar says:

    There is no updates from long time. Your writing skill is good.

  5. kalaivani says:

    hi friends this is kalaivani from chittoor. why u r going to forget to post ur relationship with this blog. 2day is our Ramakrishna’s b’day. after our first get-together everybody are interested to wish on b’day & wedding anniversary. what happened to all? we want to continue our friendship.
    this is very valuable day because within some more days we are also celebrating our golden jubilee b’day. bye and cheers.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s